Windows 10 கணினி மெதுவாக துவங்கும் பிரச்சனையை சரிசெய்வது எப்படி?

மைக்ரோசாப்ட் தங்கள் விண்டோஸ் 10 பயனர்களுக்கு இதுவரை மூன்று முக்கியமான அப்டேட்டை வழங்கியுள்ளது, ஆனால் துரதிருஷ்டவசமாக அந்த அப்டேட்ஸ்சை பெற்றும் விண்டோஸ் 10 OS, மெதுவாக துவங்‌கும் பிரச்சனைக்கான தீர்வை இன்னும் காணவில்லை, இது தற்போது வரை தொடர்கிறது, அதுவும் குறிப்பாக விண்டோஸ் 7 மற்றும் 8-லிருந்து  விண்டோஸ் 10 க்கு மாறியவர்களுக்கு இந்த பிரச்சினை அதிகமாகவே உள்ளது.

கவலை வேண்டாம், விண்டோஸ் 10 மெதுவாக துவங்கும் சிக்கலை சரிசெய்து, துவக்க வேகத்தை அதிகரிக்க உதவும் சில எளிய வழிகளை நாங்கள் உங்களுக்குக் காட்டுகிறோம்.

Fast Startup-ஐ முடக்கவும்

விண்டோஸ் 10 இல் Fast Startup என்ற ஒரு அம்சம் இயல்பாக விருப்ப தேர்வாக இருக்கும், இது உங்கள் விண்டோஸ் 10 துவக்க வேகத்தை அதிகரிக்க, சில துவக்க தகவல்களை முன்பாகவே பதிவேற்ற, அனைத்து பயனாளர்களுடைய பதிவுகள், அப்லிகேசன் மற்றும் புரோகிராம்களை உங்கள் விண்டோஸ் 10 PC முடங்கும் முன், முன்பதாகவே அவைகளை சேமித்து முட உதவியாக உள்ளது. இதன் விளைவாக, நீங்கள் அடுத்த முறை உங்கள் கணினியைத் துவக்கும் போது, ​​உங்கள் கணினி நல்ல தொடக்க வேகத்துடன் துவங்கும்.

ஆனால் துரதிருஷ்டவசமாக, பல விண்டோஸ் 10 பயனாளர்களுக்கு இந்த Fast Startup அம்சமே கணினியை மெதுவாக தொடங்க காரணமாக உள்ளது என்று பல விண்டோஸ் 10 பயனாளர்கள் கூறி உள்ளனர். ஆம் அது உண்மைதான். மைக்ரோசாப்டின் சமூகதல சரிபார்பாலரான அலேக்ஸ் ஷென் கூறியது என்னவென்றால் Fast Startup ஆனது சரியாக செயல்பட வீடியோ கார்டு டிரைவ் மற்றும் பவர் மேனேஜ்மென்ட் டிரைவை அதிகமாக பயன்படுத்துகிறது என்று கூறியிருந்தார். ஆனால் தற்போது பல டிரைவுகள் இந்த அம்சத்துடன் இணக்கமாக இல்லை. இதனால் கணினி துவங்கும் வேகத்தை மேலும் பாதிக்கப்படுகிறது.

எனவே, இந்த சிக்கலை சரிசெய்ய, நீங்கள் Fast Startup அம்சத்தை முடக்க வேண்டும்.

Step 1: தேடல் பெட்டி(search box)ல் Power option என்று டைப் செய்து அந்த Power optionஐ கிளிக் செய்யவும்.

Step 2: இப்போது Choose what the power button do என்பதை கிளிக் செய்யவும்.

Step 3: இங்கு Shutdown settingஐ அனுக முடியாதபடி தடை காணப்படும். அந்த தடையை நீக்க Change settings that are currently unavailable என்பதை கிளிக் செய்யவும்.

Step 4: இப்போது Shutdown settings கீழ் Turn on Fast start-up என்ற தேர்வில் உள்ள டிக்கை நீக்கி, Save changes கிளிக் செய்யவும்.

Step 5: இப்போது கணினியை மறுதொடக்கம் செய்து வேகத்தை சோதித்து பாருங்கள்.

தேவையற்ற உயர் தொடக்க புரோகிராம் மற்றும் அப்லிகேசனை முடக்கவும்.

நாம் நம் கணினியில் புதிய புரோகிராம் மற்றும் அப்லிகேசனை இன்ஸ்டால் செய்வதை வழக்கமாகக் கொண்டிருப்போம், இதனால் நாம் கணினியில் நிறுவிய சில புரோகிராம்கள், கணினியை துவக்கும்போது தானாகவே தொடங்க இயலும். இந்த தொடக்கத் திட்டங்கள் உங்கள் விண்டோஸ் 10 கணினியின் துவக்க நேரத்தை நீட்டிக்க வழிவகுக்கும். எனவே தேவையற்ற உயர் தொடக்க தாக்கம் உள்ள புரோகிராம்களை நிறுத்த இந்த வழிகளை பின்பற்றவும்.

Step 1: கீபோர்டில் Ctrl + Alt + del பட்டன்களை ஒன்றாக அழுத்தினாள் Task Manager ஓபன் ஆகும்.

Step 2: இங்கு Startup மெனுவில் உங்களது கணினியில் என்ன என்ன புரோகிராம்கள், எந்த தொடக்க வேக நிலையில் இயங்கிக்கொண்டிருக்கிறது என்று பார்க்கலாம்.

Step 3: அதில் உங்களுக்கு பரிட்சையமில்லாத ஏதேனும் புரோகிராம், அப்லிகேசன் அதி வேக தொடக்க நிலையில் இயங்கிக் கொண்டிருந்தால் அதை நிறுத்த, அதை தேர்வு செய்து கீழே Disableஐ கிளிக் செய்தால் அந்த புரோகிராம் முடக்கப்படும்.

உங்களது கிராபிக்ஸ் கார்டு டிரைவை புதுப்பிக்கவும்.

சில நேரங்களில் பழைய அல்லது சரியாக செயல்படாத கிராபிக்ஸ் கார்டு இயங்கிக் கொண்டிருந்தாலும் அது கணினியின் மெதுவான துவக்கத்திற்கு காரணமாக இருக்கும். எனவே, இந்த சிக்கலை சரிசெய்ய, உங்கள் கிராபிக்ஸ் டிரைவ் சாப்டுவேரை கிராபிக்ஸ் கார்ட் உற்பத்தியாளர் வலைத்தளத்திலிருந்து மீண்டும் ரீஇன்ஸ்டால் செய்ய வேண்டும்.

 Step 1: Windows + R keyஐ அழுத்தி Run commandஐ ஓபன் செய்து, பின்னர் devmgmt.msc என்று டைப் செய்து Enter ஐ அழுத்தவும்.

Step 2: இப்போது நீங்கள் Drive Manager விண்டோவை பார்க்கலாம், அதில் Display adapter என்ற ஆப்சனை டபுல் கிளிக் செய்தால் உங்களது கிராபிக்ஸ் கார்டு டிரைவ் பார்க்கலாம். அதை Right கிளிக் செய்து Uninstall கொடுக்கவும்.

Step 3: இப்போது உங்கள் கணினியை மறுதொடக்கம் செய்து, உங்களது கிராபிக்ஸ் கார்ட் உற்பத்தியாளர் வலைத்தளத்திற்குத் சென்று, உங்கள் கிராபிக்ஸ் கார்டு மாடலை கண்டறிந்து, அதன் சமீபத்திய சாப்டுவேர் பதிப்பை இன்ஸ்டால் செய்யவும்.

விண்டோஸ் 10 OSஐ அப்டேட் செய்யவும்.

சில நேரங்களில் உங்களது விண்டோஸ் 10 அப்டேட்டில் உள்ள Bugs மற்றும் பிழைகள் உங்கள் கணினி துவங்கும் வேகத்தை குறைக்கலாம்.
இந்த சிக்கலைச் சரிசெய்ய, மைக்ரோசாஃப்டின் தற்போதைய விண்டோஸ் 10 அப்டேட்டை உங்கள் கணினியில் இன்ஸ்டால் செய்ய வேண்டும்.

Step 1: Settings செல்லவும்.

Step 2: அங்கு Update and Security என்ற ஆப்சனை கிளிக் செய்யவும்.

Step 3: இப்போது Check for updates கிளிக் செய்து விண்டோஸ் 10 ஐ அப்டேட் செய்யவும்.

கணினியில் வைரஸ் உள்ளதா என்று சோதிக்கவும்.

வைரஸ், கணினியின் செயல்திறன் குறைவுக்கான வழக்கமான காரணமாகும். எனவே, நல்ல Antivirus Softwareஐ நிறுவி, உங்கள் கணினிக்கு வழக்கமான வைரஸ் சோதனை செய்ய வேண்டும்.
உங்களிடம் Antivirus இல்லை என்றால், Windows Defender மூலம் தொற்று உள்ளதா என்று ஸ்கேன் செய்யவும்.

வீடியோ Demo!