கணினியில் BIOS Password அல்லது UEFI Password அமைப்பது எப்படி

விண்டோஸ் 10 ஆப்பரேட்டிங் சிஸ்டமில் உள் நுழை கடவுச்சொல் (Login Password) அம்சம் உள்ளது என்பது நமக்கு தெரிந்தது தான், இது ஒரு நல்ல பாதுகாப்பு அம்சம் தான், ஆனால் இந்த உள் நுழை கடவுச்சொலானது மற்றவர்கள் உங்கள் கணினியில் நுழயாத படி முற்றிலுமாக பாதுகாக்கும் என்று சொல்ல முடியாது. உங்கள் கணினியை அணுகுவதற்கு ஒருவருக்கு வாய்ப்பு கிடைத்தால், அவர் உங்கள் கணினியை மறுதொடக்கம் செய்து Bootable USB அல்லது CD/DVD  மூலமாக உங்கள் தற்போதைய ஆப்பரேட்டிங் சிஸ்டமை அழித்து ஒரு புதிய ஆப்பரேட்டிங் சிஸ்டமை எளிதாகப் இன்ஸ்டால் செய்ய முடியும்.

ஆனால், இதற்காக கவலைப்பட வேண்டாம், BIOS அல்லது UEFI கடவுச்சொல்லை செட் செய்வதின் மூலம் உங்களது கணினியின் பாதுகாப்பை கூட்டலாம்.

BIOS / UEFI (Password) கடவுச்சொல் என்றால் என்ன?

கணினியின் லாகின் பாஸ்வேர்டு அல்லது அக்கௌன்ட் பாஸ்வேர்டு சேட் செய்வதின் முலம் உங்கள் கணினிக்கு ஓரளவு பாதுகாப்பு கிடைக்கும், அதாவது ஒரு நபர் உங்களது கணினியின் கீபோர்டு மற்றும் மவுஸை மட்டுமே அனுக முடியுமானால், லாகின் பாஸ்வேர்டு போதுமானது. ஆனால் நான் முன்பு கூறியது போல், உங்கள் கணினியை ஒருவர் அனுகி மறுதொடக்கம் செய்து Bootable USB drive மூலம் உங்கள் கணினியின் USB Portஐ அனுகவோ அல்லது CD/DVD முலம்  அணுகும் போது, ​​நீங்கள் அமைத்த உள்நுழைவு கடவுச்சொல் (login password) உங்கள் கணினியை இனியும் பாதுகாக்க முடியாது.

ஆனால், BIOS அல்லது UEFI கடவுச்சொல் அமைப்பதன் மூலம் வேறு எந்த நபரும் உங்கள் BIOS செட்டீங்கை அணுகுவதை தடுக்க முடியும். இந்த BIOS அல்லது UEFI கடவுச்சொல்லை நீங்கள் செட் செய்துவிட்டால், உங்கள் கணினியை நீங்கள் ஆன் செய்தவுடனே BIOS அல்லது UEFI கடவுச்சொல்லை என்டர் செய்ய செல்லி கேட்கும். எனவே, சரியான உள்நுழைவு கடவுச்சொல் தெரியாமல் மற்றவர்கள் உங்கள் கணினி BIOS செட்டிங்கில்  நுழைந்து Bootable USB சாதனங்கள் மூலமாகவோ  CD/DVD மூலமாகவோ மேலும் உங்கள் கணினியை சேதமாக்காதபடி தடுக்கலாம். உங்கள் கணினியில் நீங்கள் உங்களது நிதி மற்றும் வணிகம் சார்ந்த தகவல்களை வைத்திருந்தால், உங்கள் கணினிக்கு இந்த BIOS அல்லது UEFI கடவுச்சொல்லை கட்டாயம் அமைக்க வேண்டும்.

BIOS கடவுச்சொல் அமைப்பது எப்படி

Step 1: உங்களது கணினியில் BIOS செட்டிங் இருந்தால், நீங்கள் முதலில் உங்கள் கணினியை மறுதொடக்கம் செய்து, BIOS செட்டிங்கை திறக்க வேண்டும். BIOS செட்டிங்குக்கான பட்டன் உங்களது மதர்போர்டு மாதிரி அடிப்படையில் கணினியிலிருந்து கணினிக்கு மாறுபடும், வழக்கமாக F2, Delete, F1, F10 அல்லது ESC இதில் ஏதேனும் ஒரு பட்டன் தான் BIOS செட்டிங் திறப்பதறதிற்காக பட்டனாக இருக்கும். சரியான பட்டன் எதுவேன்று அறிய உங்கள் PC யூசர் மேனுவலை பார்க்கவும்.

Step 2: BIOS செட்டிங்கை திறந்ததும் Security அல்லது Password மெனுவுக்கு செல்லவும்.

Step 3: Security அல்லது Password மெனுவில், Set Supervisor Password என்ற ஒரு தேர்வு இருக்கும். இதுதான் BIOS அமைப்பை மற்றவர்கள் அனுகாதபடி தடுக்க நாம் கொடுக்க வேண்டிய பாஸ்வேர்டு அமைப்பு. ஆதலால், உங்களது கடவுச்சொல்லை இதன் மூலமாக அமைக்கவும்.

Step 4: கடைசியாக அமைப்பை F10 பட்டன் அழுத்தி Save செய்துகொள்ளவும். இப்போது நீங்கள் BIOS பாஸ்வேர்டை வெற்றிகரமாக செட் செய்வதுவிட்டிர்கள்.

UEFI கடவுச்சொல் அமைப்பது எப்படி

உங்கள் கணினியில் UEFI செட்டிங் இருக்குமானால், இதுவும் BIOS கடவுச்சொல்லைப் போலவே கடவுச்சொல் விருப்பத்தை வழங்குகிறது.

Step 1: உங்கள் கணினி Settings-ல் Update and Security என்பதை கிளிக் செய்யவும்.

Step 2: இங்கு Recovery ஆப்சனை தேர்வு செய்யவும்.

Step 3: அதில் Restart now என்பதை நீங்கள் கிளிக் செய்தால் வேறொரு புதிய மெனு ஓபன் ஆகும்.

Step 4: இங்கு Troubleshoot-ஐ கிளிக் செய்யவும்.

Step 5: இதில் Advanced options-ஐ கிளிக் செய்யவும்.

Step 6: இங்கு UEFI Firmware settings ஆப்சனை தேர்வு செய்து UEFI பாஸ்வேர்டை நீங்கள் செட் செய்துகொள்ளலாம்.

வீடியோ  Demo!